Зилзила: Тожикистонда 100 га яқин уй вайрон бўлди, бир бола ҳалок бўлди

ASTANA. Kazinform – 13 апрель куни мамлакатда юз берган зилзила Тожикистоннинг икки туманида 100 га яқин уйни вайрон қилган, ўнлаб бошқа биноларга зарар етказган ва бир бола ҳалок бўлган. Бу ҳақда мамлакат Фавқулодда вазиятлар ва фуқаро мудофааси қўмитасининг Инқирозларни бошқариш маркази маълум қилди, деб хабар беради ТАСС.

Хабарда қайд этилишича, Рашт вилоятининг беш қишлоғида 40 та уй бутунлай вайрон бўлган, 5 та уй, 3 та чойхона, 1 та мактаб биноси қисман вайрон бўлган.

Бундан ташқари, Уштурпаст қишлоғида уч ёшли болани уй девори босиб қолиб, вафот этган.

Эслатиб ўтамиз, 13 апрель куни Тожикистонда икки марта зилзила содир бўлган. Биринчиси маҳаллий вақт билан 09:24 да қайд этилган. Магнитудаси 5,8. Бу қўшни Ўзбекистон ҳудудига ҳам таъсир қилгани, Тошкентда 2 балли зилзила сезилгани хабар қилинди.

Иккинчи зилзила маҳаллий вақт билан 12:14 да содир бўлган. Магнитудаси 4,2.

Европа-Ўртаер денгизи сейсмология маркази (EMSC) Тожикистонда 14 апрелга ўтар кечаси UTC вақти билан 0:44 (Қозоғистон вақти билан 5:44) да 4,5 магнитудали навбатдаги зилзила қайд этилганини маълум қилди.