ЖССТ ўзбек-хитой вакцинасини январ-феврал ойларида тасдиқлаши мумкин

TASHKENT. Kabar - Kazinform - Жаҳон соғлиқни сақлаш ташкилоти (ЖССТ) келгуси йилнинг январ-феврал ойларида Ўзбекистон-Хитой ҳамкорлигида яратилган ZF-UZ-VAC2001 вакцинасини тасдиқлаши мумкин. Бу ҳақда Кабар агентлиги ЎР инновацион ривожланиш вазири ўринбосари Шаҳло Турдиқуловага асосланиб хабар берди.

ЎР инновацион ривожланиш вазири ўринбосари, Вазирлик ҳузуридаги Илғор технологиялар маркази директори Шаҳло Турдиқулованинг маълум қилишича, ҳозирда ЖССТга топшириш учун ҳужжатлар тайёрланмоқда.

«ZF-UZ-VAC2001нинг афзаллиги шундаки, у дельта штаммида синовдан ўтказилган, бошқа вакциналарнинг аксарияти эса илк марта Уханьда аниқланган штамм асосида ишлаб чиқилган», — деди Ш.Турдиқулова.

Вакцинанинг маъқулланиши у билан эмланган ўзбекистонликларга Европа мамлакатлари, АҚШ ҳамда Жаҳон соғлиқни сақлаш ташкилоти томонидан тасдиқланган вакциналарни тан олувчи бошқа мамлакатларга ҳам бемалол ташриф буюриш имконини беради.