ЖССТ видео ўйинларга қарамликни касалликлар рўйхатига қўшди

GENEVA. Kazinform - Касалликларнинг янги халқаро таснифининг 11-версияси 2022 йил 1 январдан расман кучга кирди. 2019 йилда Жаҳон соғлиқни сақлаш ташкилоти томонидан тасдиқланган ҳужжатга бир нечта янги бўлимлар қўшилди. Улар орасида анъанавий табобат бўлими ҳам бор. Қарамлик билан боғлиқ касалликларга видео ва рақамли ўйинларга ишқибозлик ҳам киради, деб хабар беради Kazinform ТАSSга таяниб.

Ҳужжат 55 мингдан ортиқ жароҳатлар, касаллик ва ўлим сабабларини ўз ичига олади.

Ҳужжатга кўра, ўйинга қарамлик(инглизча – gaming diorder)ҳолатида одам ҳар куни қизиқарли ва муҳим ишларни бажариш ўрнига ўйинга эътибор қаратади. Шахсий, оилавий ва ижтимоий ҳаётда муаммолар юзага келган тақдирда, агар бу ҳолат 12 ой давом этса, аниқланади. Бироқ, оғир ҳолатларда ташхис қўйиш учун вақт кам.

Ўйинларга қарамликнинг касалликлар рўйхатига киритилишига тиббиёт томонидан тўпланган маълумотлар сабаб бўлади. Энди давлатлар саломатлик стратегиясини ишлаб чиқишда ушбу касалликни ҳисобга олишлари керак.

Касалликларнинг халқаро таснифи касалликлар ҳақида ҳисобот беришнинг халқаро стандартидир. Рўйхат шунингдек, глобал миқёсдаги соғлиқни сақлаш янгиликлари ва статистикасини аниқлаш имконини беради. Ҳужжатнинг аввалги таҳрири 1990 йилдан бери амал қилган.