ЖССТ раҳбари Астанадаги югуриш пойгасида иштирок этди
Тиббий-санитария биринчи ёрдами (ТСБЁ) бўйича Алмати декларациясининг 45 йиллигига, Астана декларациясининг 5 йиллигига ва ЖССТнинг 75 йиллигига бағишланган ТСБЁ глобал конференцияси доирасида «Сөзден іске/ Walk the talk/ От слов к делу» шиори остида анъанавий қисқа масофага югуриш акцияси ўтказилди, деб хабар беради Кazinform агентлиги ҚР Соғлиқни сақлаш вазирлиги матбуот хизматига таяниб.
Акцияда иштирок этиш учун 800 дан ортиқ киши рўйхатдан ўтган. Улар орасида Жаҳон соғлиқни сақлаш ташкилоти раҳбари Тедрос Гебрейесус, ЖССТ Европа минтақавий бюроси директори Ханс Клюге, Қозоғистон Республикаси соғлиқни сақлаш вазири Ажар Ғиният, Астана соғлиқни сақлаш ташкилотлари тиббиёт ходимлари, Астана тиббиёт университети талабалари, турли спорт турлари бўйича Олимпия чемпионлари ва фаол спорт билан шуғулланувчи шаҳарликлар бор.
Тадбирни Қозоғистон Республикаси Соғлиқни сақлаш вазирлиги раҳбари очар экан, Жаҳон соғлиқни сақлаш ташкилоти дунёнинг 80 та давлати делегациялари иштирокида ўтказиладиган бирламчи тиббий ёрдам бўйича глобал конференция каби муҳим тадбирлар арафасида шундай тадбирлар ўтказаётганини таъкидлади.
Доктор Тедрос Гебрейесус ҳам танлов иштирокчиларини табриклаб, одамлар саломатлигини мустаҳкамлашда бирламчи тиббий ёрдамнинг алоҳида ўрни борлигини таъкидлади.
“2018 йилда биз шундай тадбир ўтказдик, Алмати декларациясининг 40 йиллигини нишонладик ва мана шу боғда сўзладим, дарахтлар ўсиб бораётганини кўриб, жуда хурсандман! Астана декларациясини қўллаб-қувватлаш ва тарғиб қилиш туфайли сўнгги 5 йилда тиббий-санитария биринчи ёрдами ривожланмоқда. Ушбу марафондан кўзланган мақсад – барчага соғлиқни сақлашни тарғиб қилиш, сўздан амалгача барчага тиббий хизмат кўрсатишдир”, – деди доктор Гебрейесус Ботаника боғидаги пойга бошланишидан олдин қилган чиқишида.
ЖССТ раҳбари Қозоғистон фуқароларига ёмон одатлардан воз кечишни, алкоголь ва чекишга қарши туришни, жисмоний фаол бўлишни тавсия қилди.
Тадбирнинг фахрий меҳмонлари сифатида таниқли спортчилар, бир неча карра Олимпия ўйинлари совриндорлари, жумладан, бокс бўйича жаҳон чемпиони, Қозоғистон Республикасида хизмат кўрсатган мураббий Мерей Ақшалов, таэквондо бўйича Қозоғистон Республикасининг бир неча карра чемпиони, халқаро мусобақалар ғолиби, жаҳон чемпионатлари, Осиё чемпионати бронза медали совриндори, Пекин Олимпиадасининг бронза медали совриндори Арман Чилманов, икки карра Олимпиада ва оғир атлетика бўйича тўрт карра жаҳон чемпиони, бир неча карра жаҳон рекордчиси Илья Ильин, бадиий гимнастика бўйича Осиё ўйинлари чемпиони Анна Алябьева таклиф қилинди.
Саломатлик тарғиботи иштирокчилари учун тиббий чодирлар ўрнатилиб, уларда шошилинч диагностикадан ўтиши, қон босимини ўлчаши мумкинлиги яратилди.
