ЖССТ комиссияси Россияда «Спутник V» маълумотларини ўрганмоқда

SANKT-PETERBURG. TASS – Kazinform - Бутунжаҳон соғлиқни сақлаш ташкилоти (ЖССТ) комиссияси Россияда «Спутник V» вакцинасини сертификатлаш доирасида ушбу препарат ҳақидаги маълумотларни ўрганиш ўрганмоқда. Ташриф якунида ҳисобот тайёрланади, деб хабар беради Kazinform ТАССга асосланиб.

«Мен ҳар доим Россия расмийлари билан алоқадаман. Чунки биз вакцинани тасдиқлашимиз керак. Ҳозирда бизнинг мутахассисларимиз Россияда ва уларнинг миссияси 4 июн куни тугайди. Шунда таклифларни ўз ичига олган ҳисобот тайёр бўлади», - деди Жаҳон соғлиқни сақлаш ташкилотининг Европа минтақавий бюроси директори Ханс Клюге.

Клюгенинг сўзларига кўра, «Спутник V» вакцинасини сертификатлаш тўғрисида «оптимист бўлиш учун асос» мавжуд. «Европа дори агентлиги ҳам, ЖССТ ҳам вакцинани ўрганмоқда», - дея қўшимча қилди у.

Ханс Клюге, шунингдек, Россия ҳукуматининг аҳолини бир вақтнинг ўзида бир нечта вакциналар билан таъминлаш бўйича ишларини юқори баҳолади.

Унинг сўзларига кўра, «жамоавий иммунитетни шакллантириш учун аҳолининг камида 70% эмланиши керак», - деб қўшимча қилди Клюге.

Европа дори агентлиги 4 март куни «Спутник V» вакцинаси учун бир қатор синовларни бошлаганлигини эълон қилди. Ҳозирда Россия препаратини рўйхатдан ўтказиш тугалланмаган.

Россиянинг «Спутник V» вакцинаси 1,5 миллиарддан ортиқ аҳолиси бўлган 60 мамлакатда регуляторларда рўйхатдан ўтган. 30 дан ортиқ мамлакатлар ушбу вакцина билан оммавий эмлашни бошладилар. Унинг самарадорлиги The Lancet етакчи журналида 91,6 фоизни қайд этган.