ЖССТ бош директори COVD-19га қарши эмланмаганлигини тан олди - фейк
Ижтимоий тармоқларда қозоғистонликлар Жаҳон соғлиқни сақлаш ташкилоти бош директори Тедрос Гебрейесусга COVD-19 вакцинасининг бир дозасини ҳам олмагани ҳақида ёзишмоқда. Бу ҳақда интервьюлардан бирида унинг ўзи ҳам тан олган, дея хабар беради Kazinform агентлиги StopFake.kzга таяниб.
Жаҳон соғлиқни сақлаш ташкилоти раҳбари эмлашдан бош тортганининг исботи сифатида фойдаланувчилар Тедрос Гебрейесус ҳақиқатан ҳам COVID-19 вакцинасининг биринчи дозасини олмаганини айтган видео интервьюдан парча тарқатмоқда.
Бу видео аслида 2021 йилги “Пандемиядан қандай омон қолиш керак” ҳужжатли фильмидан парчадир. Суратга олиш ишлари 2020 йилда бошланган ва 2021 йил бошида якунланган. Ўша пайтда COVID-19 вакциналари бозорга аранг кирган эди ва улар асосан соғлиқни сақлаш тизимида ишлайдиган ёки энг заиф тоифадаги одамлар: кексалар ёки сурункали касалликларга чалинганлар учун мавжуд эди.
Бундан ташқари, жаҳон ҳамжамиятига вакцинани бутун дунё бўйлаб, шу жумладан, энг қашшоқ мамлакатларга тенг тақсимлаш глобал вазифаси турарди.
Шу сабабли, Тедрос Гебрейесусдан биринчи дозани олганми ёки йўқми деб сўралганда, у Африка халқлари COVID-19га қарши эмлашни бошлагунча эмлашни кечиктиришга қарор қилганини айтди.
Кейинчалик оммавий ахборот воситаларида Тедрос Гебрейесус 2021 йил 12 майда COVID-19га қарши эмлангани ҳақида хабар берилган эди. У шахсан ўзининг Х (илгари Twitter номи билан машҳур) аккаунтида эмлаш жойидан суратларни жойлаштирган.
Шунинг учун ЖССТ бош директорининг эмлашдан бош тортиши ҳақидаги маълумотлар фейкдир. У COVID-19га қарши эмланган, аммо тарқатилган видео кечроқ ёзиб олинган.
