ЖССТ бир ҳафта ичида CОVID-19 дан ўлим ҳолатлари 7 фоизга ошганини маълум қилди

31 январдан 6 февралгача «CОVID-19 янги ҳолатлари сони олдинги ҳафтага нисбатан 17 фоизга камайди», дейилади ҳафталик ахборот бюллетенида. Шу билан бирга, ўлим 7% га ошди. Ташкилотга 19 276 472 киши инфекция ва 67 953 киши вафот этгани ҳақида хабарлар келиб тушди.
Ўтган ҳафтага (24-30 январ) нисбатан юқтирганлар сонининг ўсиши Шарқий Ўртаер денгизида (36 фоизга) қайд этилди. Шу билан бирга, Америка, Жануби-Шарқий Осиё ва Африкада касалланиш мос равишда 36%, 32% ва 22% га камайди. Бир ҳафта ичида дунёда янги инфекцияларнинг 58 %ни ташкил этувчи Европада бу кўрсаткич 7%га камайди. Ўлим даражаси Жануби-Шарқий Осиёда – 67%га, Шарқий Ўртаер денгизида – 45%га ва Европада – 2%га ошган. Шу билан бирга, Африкада 7%га, Тинч океанининг ғарбий минтақасида эса 5%га камайди.
АҚШ бир ҳафта ичида энг кўп инфекцияни қайд этди (1,874,006). Ундан кейинги ўринларни Франция (1 738 189), Германия (1 285 375), Бразилия (1 241 025) ва Ҳиндистон (1 095 616) эгаллаган. АҚШда етти кун ичида энг кўп ўлим қайд этилган (14 090). Ундан кейин Ҳиндистон (7 888), Россия (4 686), Бразилия (4 610) ва Мексика (2 910) жой олган.