Жорий йилнинг саккиз ойида Қозоғистон туризмига киритилган сармоя ҳажми 69 фоизга ошди

ASTANA. Kazinform - Жорий йилнинг саккиз ойида туризм соҳасида асосий капиталга йўналтирилган инвестициялар ҳажми 527,6 миллиард тенгега етди. Бу ўтган йилнинг шу даврига нисбатан 69 фоизга кўпдир. 2023 йилнинг 8 ойида инвестициялар ҳажми 311,8 миллиард тенгени ташкил этди.

Йил охиригача мамлакатда 148 та инвестиция лойиҳасини амалга ошириш режалаштирилган. Бу, ўз навбатида, ҳудудларда 2,5 мингга яқин янги иш ўринлари яратиш имконини беради. Ушбу ташаббуслар туристик инфратузилмани яхшилаш ва кўпроқ сайёҳларни жалб этишга қаратилган.

“Туризм соҳасига инвестициялар ҳажмининг ўсиши стратегик аҳамиятга эга соҳани ривожлантиришга қизиқиш ортганидан далолат беради. Сайёҳлик йўналишларини зарур инфратузилма билан таъминлаш орқали Қозоғистонни хорижий ва маҳаллий сайёҳлар учун жозибадор қилишимиз мумкин”, — деди Туризм саноати қўмитаси раиси Нуртас Карипбаев.

Жорий йилда 64 та инфратузилма лойиҳаси амалга оширилади. Бу ҳам туризм индустриясини ривожлантириш, сайёҳлар учун қулай шароитлар яратиш имконини беради.