Жорий йилнинг 4 ойида транзит ҳажми 11 миллион тоннага етди — вазирлик

ASTANA. Kazinform – ҚР Транспорт вазирлиги транзит соҳасидаги ўзгаришлар ҳақида маълумот берди.

“2024 йилнинг 4 ойида транзитнинг умумий ҳажми 10,7 миллион тоннани ташкил этиб, ўтган йилга нисбатан (10,6 миллион тонна) 1 фоизга ошган. Улар орасида автомобиль транспортида ташилган транзит юклар ҳажми 1,5 миллион тоннани ташкил этди ва бу ўтган йилга (1 миллион тонна) нисбатан 50 фоизга ошганини кўрсатди”, – дейилади вазирликнинг Каzinform агентлигига берган жавобида.

Бундан ташқари, контейнер ташиш 433,2 минг ЙФЭни (йигирма фут эквиваленти) ташкил этди ва ўтган йилга нисбатан (422,7 минг ЙФЭ) 2 фоизга ошди.

“Шу жумладан, Хитой/Осиё – Европа – Хитой/Осиё, 333,900 йигирма футлик эквивалентга эришилди. Бу кўрсаткич ўтган йилга (301,6 минг ЙФЭ) нисбатан 11 фоизга ошди”, – дея аниқлик киритди вазирлик.