Жорий йилдан бошлаб барча туманлар ҳокимлари бевосита халқ томонидан сайланади - Давлат раҳбари
BÝRABAI. Kazinform - Ҳокимият тизимида бундай кенг кўламли ўзгаришлар ҳеч қачон содир бўлмаган. Бу ҳақда Давлат раҳбари Қасим-Жомарт Тоқаев Бурабайда бўлиб ўтаётган Миллий қурултойнинг IV йиғилишида маълум қилди.
“Маҳаллий ҳокимият органлари тубдан модернизация қилинди. Уч йилдан ортиқ вақт мобайнида қишлоқ ҳокимларининг 72 фоизи янгиланди. Уларнинг учдан бир қисми - илгари давлат хизматида бўлмаган фуқаролардир. Бир сўз билан айтганда, ҳудудларда ижро ҳокимиятига янги одамлар келаяпти. Тажриба тариқасида 45 нафар туман ва вилоят аҳамиятига эга шаҳар ҳокими сайланди. Жорий йилдан бошлаб барча туман ҳокимлари бевосита халқ томонидан сайланади”, - деди Қасим-Жомарт Тоқаев.
Унинг сўзларига кўра, турли даражадаги масъулларга сайловлар вакиллик органлари фаолиятига янги суръат бағишлади.
“Вилоят ва туманлар маслиҳат депутатларининг 90 фоизи бир мандатли сайлов округларидан, яъни тўғридан-тўғри овоз бериш йўли билан сайланди. Ҳокимият тизимида бундай кенг кўламли ўзгаришлар ҳеч қачон бўлмаган”, - деди Президент.
Эслатиб ўтамиз, аввалроқ Бурабай шаҳрида Президент Қасим-Жомарт Тоқаев иштирокида Миллий қурултойнинг IV йиғилиши бошлангани ҳақда хабар берган эдик.
