Жорий йилдан бошлаб аутизмга чалинган болалар санаторийда бепул дам олади

KÓKSHETAÝ. Kazinform – Ақмола вилоятида «Шипажай-2023» илмий-амалий форуми бўлиб ўтди, деб хабар беради Kazinform.

Йиғилишда Меҳнат ва аҳолини ижтимоий муҳофаза қилиш қўмитаси раиси Тўлеген Оспанқулов ўз маърузасида санаторий-курорт даволаш ва реабилитация тизимини аҳоли, айниқса, ногиронлиги бўлган шахсларнинг кенг фойдаланишини таъминлашга йўналтириш зарурлигини таъкидлади.

2021 йилдан бошлаб санаторий-курорт даволаш хизматлари ижтимоий хизматлар портали орқали амалга оширилади.

У ерда ногиронлар хизмат кўрсатувчи провайдерларни ўзлари танлайди.

2023 йил 1 июлдан кучга кирган Ижтимоий Кодекснинг янгилиги – ақлий нуқсони (аутизм спектрининг бузилиши) бўлган болаларни санаторий-курортда даволаш.

Улар ота-оналари ёки васийлари ҳамроҳлигида санаторий-курорт ташкилотларига юборилади.

Жорий йилда мингга яқин болани пилот режимида жўнатиш режалаштирилган.

Алоҳида йўналишда ногиронлиги бўлган шахсларнинг мамлакатдаги барча санаторийларда мажбурий фойдаланиш имкониятини таъминлаш муаммоси ҳақида сўз юритилди.

Шунингдек, ташриф доирасида раис Шучинск шаҳри ва Бурабай кентидаги «Ижтимоий хизматлар» порталида имконияти чекланган фуқароларга хизмат кўрсатувчи бир қатор санаторийларда бўлди.

Санаторийлар маъмурияти томонидан кўрсатилаётган хизматлар сифатини ошириш, соғломлаштириш тадбирлари, ногиронлиги бўлган шахслар учун қулай муҳитни мажбурий таъминлаш масалалари муҳокама этилди.