Жорий йилда Жетису вилоятида 3 мингдан ортиқ хонадон берилади

Жорий йилда Жетису вилоятида 323 минг квадрат метр уй-жой фойдаланишга топширилиши режалаштирилган. Унинг 50 фоизи ёки 162,1 минг квадрат метри бюджет маблағлари ҳисобидан. Бу ўтган йилга нисбатан 8 баробар кўпдир. Бу ҳақда бугун Астана шаҳрида бўлиб ўтаётган брифинг чоғида Жетису вилояти ҳокими Бейбит Исабаев маълум қилди, дея хабар беради Kazinform.

“Жорий йилда жами 3494 та хонадон ажратилади, шундан 2173 таси Талдиқўрған шаҳрига тўғри келади. Бу кутиш рўйхатининг тахминан 14-15% ни ташкил қилади. Бугунги кунда ҳомийлар ҳисобидан Талдиқўрған шаҳрида 180 хонадонли учта уй ва аҳолининг ижтимоий ҳимояга муҳтож қатламларига, жумладан, кўп болали оилалар учун 27 та шахсий турар-жой барпо этилди. Жумладан, Қаратал туманида 15 та уй, Кербулақда 8 та уй, Панфилов туманида 4 та уйдан”, - деди Б.Исабаев.

Маърузачининг сўзларига кўра, бундан ташқари, “Самруқ-Қазна” жамғармаси томонидан 2024 йилда 560 хонадонли 9 та кўп қаватли уй, яъни Талдиқўрған шаҳрида 60 хонадонли 7 та уй, Сариўзек қишлоқда 60 хонадонли, Жаркент шаҳрида 80 та хонадонли уй қуриш режалаштирилган. Жами Жетису вилоятида 30 минг киши уй-жой кутмоқда, уларнинг 15 мингдан ортиғи Талдиқўрғанда рўйхатда турибди.

– Асосий мақсадимиз – яқин 4-5 йил ичида навбатда турганлар сонини 40-50 фоизга камайтириш”, – деди вилоят ҳокими.