Жорий йилда умумий қиймати 1,3 триллион тенге бўлган 180 та лойиҳа ишга туширилади

ASTANA. Kazinform – Бу йилги лойиҳа пулига умумий қиймати 1,3 триллион тенге бўлган 180 та лойиҳа киритилган. Бу ҳақда ҚР Ҳукумат йиғилишида Саноат ва қурилиш вазири Қанат Шарлапаев маълум қилди.

“Бу йилги лойиҳа пулида 1,3 триллион тенгелик 180 та лойиҳа мавжуд. Ушбу лойиҳалар ишга туширилгач, 15 мингдан ортиқ доимий иш ўрни яратилади. Йил бошидан буён умумий қиймати 158 миллиард тенге бўлган 43 та лойиҳа ишга туширилиб, икки мингга яқин иш ўрни яратилди”, – деди вазир.

Қанат Шарлапаевнинг сўзларига кўра, бошланган лойиҳалар қаторига Манғистау вилоятида “КазАзот” аммоний сульфат, Қизилўрда вилоятида “Orda Glass” энергия тежовчи ойнаси, Ғарбий Қозоғистон вилоятида “Каспи Мунай Капитал” нефть ва газ ускуналари ишлаб чиқариш киради. Ушбу лойиҳаларнинг асосий мақсади импорт ўрнини босишдир.

“Бундан ташқари, йил охирига қадар Чимкент шаҳрида Wan Sheng Ceramic керамик плиткалар ишлаб чиқариш, Қостанай вилоятида KamLitKZ юк машиналари учун бутловчи қисмлар, Қостанай вилоятида темир йўл вагонлари учун пружиналар ишлаб чиқаришни йўлга қўйиш режалаштирилган”, – деди у.