Жорий йилда Қозоғистонда 15 нафар хорижлик махсус ижтимоий ёрдам олди

ASTANА. Кazinform - Жорий йилнинг 6 ойида Қозоғистонда 15 нафар хорижлик махсус ижтимоий ёрдам олди. Бу ҳақда ҚР Меҳнат ва аҳолини ижтимоий ҳимоя қилиш вазирлигининг Ижтимоий хизматлар департаменти директори ўринбосари Гаухар Қалмақова маълум қилди, дея хабар беради Kazinform мухбири.

«Ҳозирги кунда республикамиз бўйлаб 123 нафар аҳолига хизмат кўрсатувчи 14 та инқироз марказлари очилган ва фаолият кўрсатмоқда. Меҳнат ва аҳолини ижтимоий ҳимоя қилиш вазирлиги томонидан 8 йўналиш бўйича махсус ижтимоий хизматлар кўрсатилмоқда. Улар: ижтимоий-маиший, ижтимоий-тиббий, ижтимоий-педагогик, ижтимоий-психологик, ижтимоий-ҳуқуқий, бандлик масалалари», - деди у Марказий коммуникациялар хизматида бўлиб ўтган «Одам савдосига қарши кураш: қурбонлар ҳуқуқларини ҳимоя қилиш» мавзусидаги давра суҳбатида.

У 2023 йил 1 июлдан кучга кирган Ижтимоий кодекс доирасида янги стандартлар қабул қилинганини таъкидлади. Ушбу стандартлар сифат, ҳажм ва муайян ижтимоий хизматларни тақдим этиш шартларини белгилайди. Бундан ташқари, янги стандартлар махсус ижтимоий хизматлар кўрсатувчи барча давлат органларининг ўзаро ҳамкорлигини белгилайди. Инқироз марказларида хизмат кўрсатиш 6 ойгача бўлган муддатни ўз ичига олади. Агар лозим деб топилса, у узайтирилиши мумкин.

«Ўтган йилдан бошлаб мамлакатимизда хорижлик фуқароларга махсус ижтимоий хизматлар кўрсатилмоқда. Масалан, жорий йилнинг биринчи ярмида 15 нафар хорижлик фуқарога махсус ижтимоий хизматлар кўрсатдик», — деди Гаухар Қалмақова.

Муаллиф: Марлан Жиембай