Жорий йилда қарийб 7 миллион қозоғистонлик мамлакат бўйлаб саёҳат қилди – бу рекорд кўрсаткич

ALMATY. Kazinform – Жорий йилда 7 миллионга яқин қозоғистонлик мамлакат ичида саёҳат қилган, бу рекорд кўрсаткичдир. Бу ҳақда Маданият ва спорт ишлари вазири ўринбосари Ержан Еркинбаев туризм ассоциацияси вакиллари билан учрашувда маълум қилди, дея хабар беради Каzinform мухбири.

«Расмий маълумотларга кўра, мамлакатимизга келган бир чет эл фуқароси 1500-2000 доллар сарфлайди. Бундан ташқари, бугунги кунда маҳаллий сайёҳлар сони қарийб 7 миллион кишини ташкил этиб, рекорд даражага етди», - деди у.

Ержан Еркинбаевнинг сўзларига кўра, йил охиригача мамлакат ичидаги саёҳатчилар сони 8 миллионга етиши тахмин қилинмоқда.

«Хорижий туризм аста-секин тикланмоқда. Биринчи ярим йиллик якунларига кўра, уларнинг сони 2,5 баробарга ошиб, қарийб 300 минг кишига етди», — деди Маданият ва спорт ишлари вазири ўринбосари Ержан Еркинбаев.

Муаллиф: Алма Муқанова