Жорий йилда Атирау вилоятига 4765 нафар хорижлик ишлаш учун келади
ATYRAU. Кazinform - Жорий йилда дунёнинг ҳар хил мамлакатларидан 4765 нафар хорижлик Атирау вилоятига ишлаш учун келади. Чет элликларнинг асосий қисми нефть ва газ саноати корхоналарида ишлайди.

Атирау вилояти бандликни мувофиқлаштириш ва ижтимоий дастурлар бошқармаси бош мутахассиси Абай Сарсенғалиевнинг айтишича, хорижликлар АҚШ, Буюк Британия, Франция ва Туркиядан келиши аниқ бўлди.
“Бу йил Атирау вилоятига нефть ва газ компанияларида ишлаш учун 4765 нафар хорижлик келади. Улар орасида 69 нафар хорижлик раҳбарлик лавозимларида ишлайди. 865 нафари бўлим бошлиқлари, 3041 нафари мутахассислар, 90 нафари оддий ишчилар”, — деди Абай Сарсенғалиев.
Унга кўра, хориждан келаётган мутахассислар диплом ва иш тажрибасига эга бўлиши керак. Буларнинг барчаси махсус комиссия йиғилишида муҳокама қилинади. Комиссия таркибига миграция, таълим, меҳнат инспекцияси соҳалари мутахассислари киритилган. Ҳар бир корхона хорижлик мутахассисга рухсат олиш учун солиқ тўлайди. Солиқ суммаси автоматик тарзда ҳисобланади.
“Чет элликлар орасида мавсумий ишлар учун келадиганлар ҳам бор. Ўтган йили 660 нафар хорижлик мавсумий ишларга жалб этилган. Маҳаллий фермерлардан хорижликларнинг мавсумий иш учун квоталар миқдорини ошириш таклифи олинди. Шунга кўра, бу йил мавсумий иш учун келган хорижликлар сони 700 нафарга кўтарилди. Мавсумий ходимлар икки мақсадда ишга олинади. Биринчиси далада, иккинчиси иссиқхонада ишлайди”, – дейди Абай Сарсенғалиев.
Ўтган йили Атирау вилоятига 497 нафар хорижлик кўчиб келган. Уларнинг 385 нафари фуқароликни олди. Улар Россия Федерацияси ва Ўзбекистон Республикасидан ишлаш учун келган ва нефтли ҳудудга доимий жойлашишга қарор қилган.