Жорий йилда Астана шаҳрига 400 га яқин янги автобуслар харид қилинади

None
ASTANA.Kazinform - Жорий йилда Астана шаҳрига 400 га яқин янги автобуслар келтирилади. Бу ҳақда Астана алоқа хизматида бўлиб ўтган матбуот анжуманида «1-сонли автобус парки» АЖ бошқаруви раиси Медет Шақаев маълум қилди, деб хабар беради Kazinform мухбири.

«Бу йил 1-сонли автобус парки «Youtong» русумли янги 320 та автобусларини харид қилади. У 18 метрли электробуслар ва дизель автобусларини ўз ичига олади. 2024 йилда яна 100 та автобус сотиб олишни режалаштирганмиз», - деди М. Шақаев.

Унинг таъкидлашича, 1-сонли автобус паркида жорий йилда йўловчиларга хизмат кўрсатиш сифатини ошириш бўйича бир қатор комплекс чора-тадбирлар кўриб чиқилган.

«Айни пайтда 18 метрли 20 та электробуслар 10-йўналишга чиқарилди. Йўловчилар оқимини инобатга олган ҳолда, илгари № 10 йўналишда бўлган 18 метрли автобуслар №№7, 44, 61-йўналишлар (Соҳилбўйи туманда), 24-сон (Саноат турар-жой массиви), 9-сонли, 29-сонли (Халқаро аҳоли пункти) юборилди. Хусусан, 320 та янги автобус келтирилса, барча йўналишларга қўшимча йўловчи ташиш транспорти қўшилади. Бунда автобуслар ҳаракатининг вақт оралиғи 10-20 дақиқадан 8-10 дақиқагача қисқаради», - деди корхона раҳбари.

Эслатиб ўтамиз, Астана шаҳар маъмурияти 1-сонли автобус паркининг 100 фоиз акциядори ҳисобланади. Бу парк пойтахтнинг барча йўналишлар тармоғининг қарийб 70 фоизини қамраб олади, яъни 38 та шаҳар йўналиши ва 28 та шаҳар атрофидаги йўналишларга (100 фоиз) хизмат кўрсатади.

Муаллиф: Руслан Ғаббасов


Сўнгги хабарлар