Жорий йилда 5,6 миллион гектар майдонда ўрмон ёнғинларини эрта аниқлаш тизими ўрнатилади

ASTANA. Kazinform – Қозоғистонда “Семей ўрмони” қўриқхонасига киритилган 600 минг гектар майдонда ўрмон ёнғинларини эрта аниқлаш тизими ўрнатилади. Бу ҳақда ҚР Экология ва табиий ресурслар вазири Ерлан Нисанбаев Ҳукумат йиғилишида маълум қилди.

“Ўрмон ёнғинларини ўчиришда уларни ўз вақтида аниқлаш муҳим масала ҳисобланади. Шу мақсадда ўрмон ёнғинларини барвақт аниқлаш тизимини жорий этиш давом этмоқда. Мамлакатда 1,3 миллион гектар давлат ўрмон захиралари ана шундай тизимлар билан қопланган”, – деди у.

Вазирнинг сўзларига кўра, жорий йилда бюджет маблағлари ҳисобидан “Семей ўрмони” қўриқхонасида 600 минг гектар майдонни қамраб олувчи тизим ўрнатилади.

“Семей ўрмони” қўриқхонасидан ташқари 23 та ўрмон хўжалиги корхоналарида коммунал тўловлар ҳисобига тизим жорий этилади. Шундай қилиб, йил охиригача эрта аниқлаш тизими 5,6 миллион гектар давлат ўрмон заҳираларини қамраб олади”, – деди Ерлан Нисанбаев.