Жетису вилоятида умумий қиймати 2,6 триллион тенгега тенг 189 та инвестиция лойиҳаси амалга оширилди

JETISU. Kazinform – Жетису вилоятида сармоя ҳисобидан бир қатор лойиҳалар амалга оширилмоқда. Бу ҳақда вилоят ҳокими Бейбит Исабаев маълум қилди.

“Вилоятнинг 2030 йилгача бўлган сармоявий портфелида умумий қиймати 2,6 триллион тенге бўлган 189 та лойиҳа ўрин олган. 1000 дан ортиқ иш ўрни яратиш режалаштирилган бўлиб, улардан 121 таси бугунги кунда амалга оширилмоқда. Иқтисодий ўсиш ва сармоя киритиш нуқталари орасида Қорғас линияси ва “Дўстлик” станцияси катта аҳамиятга эга. Хитой билан чегарадош бу ҳудудларнинг транспорт-логистика салоҳияти жуда катта. Бу борада инвестицияларни жалб этиш, юк ташиш ҳажми ва транзитини ошириш, назорат-ўтказиш пунктларини модернизация қилиш борасида доимий ишлар амалга оширилмоқда, – деди Бейбит Исабаев вилоятни ижтимоий-иқтисодий ривожлантиришга бағишланган маърузадан олдин.

Вилоят раҳбари томонидан тақдим этилган маълумотларга кўра, “Қорғас – Шарқий дарвоза” махсус иқтисодий зонаси ҳамда “Қорғас” халқаро марказида 63,3 миллиард тенгега 2 минг иш ўрни бўлган 27 объект ишга туширилади.

“2027 йил охиригача умумий қиймати 1,1 триллион тенге бўлган 79 та инвестиция лойиҳасини амалга ошириш, уларда 9 мингдан ортиқ иш ўрни яратиш режалаштирилган. Улардан бири “Қорғас-Шарқий дарвоза” махсус иқтисодий зонасида юк ва йўловчи ташувчи аэропорт қурилиши”, – деди у.