Жанубий Кореядаги ўрта мактабда номаълум шахс ўқитувчига пичоқ билан ҳужум қилди

SEOUL. Кazinform - Тэджон шаҳрида номаълум шахс ўрта мактаб ўқитувчисини пичоқлаб, қочиб кетди, деб хабар беради Kazinform Yonhap агентлигига таяниб.

20-30 ёшлар атрофида бўлган гумонланувчи маҳаллий вақт билан соат 10:03 да Сеулдан 139 километр узоқликдаги Тэджон шаҳридаги Тэдок туманида ўрта мактаб ўқитувчисини пичоқлаган. Ўқитувчи ҳушсиз ҳолатда топилиб, шифохонага етказилган.

Хабар қилинишича, гумонланувчи жабрланувчини ходимлар хонасида қидириб юрган ва унинг синфда эканлигини эшитиб, жабрланувчининг чиқишини кутиб, унга пичоқ уриб, қочиб кетган.

Полицияга кўра, гувоҳлардан бири ўқитувчининг «Бу менинг айбим» деганини эшитганини айтди.

Гумонланувчи полиция томонидан ҳужум жойидан 7-8 км узоқликда қўлга олинган. Полиция ҳозирча унинг шахсини ошкор қилмаяпти.