Жанубий Кореядаги норозилик намойишларига тиббиёт профессорлари қўшилди

ASTANA. Kazinform - Жанубий Кореядаги тиббиёт стажёрларининг 90 фоиздан ортиғи 20 февралдан бери ҳукуматнинг тиббиёт олий ўқув юртларига қабулни ошириш ҳақидаги қарорига қарши норозилик намойиши ўтказиб келяпти. Давом этаётган иш ташлашни қўллаб-қувватлаш учун тиббиёт профессорлари истеъфога чиқиш тўғрисида аризалар топширишни ва иш вақтларини қисқартиришни бошлади, деб хабар берди Kazinform Yonhapга таяниб.

Мамлакатдаги 13 минг стажёр шифокорларнинг 90% дан ортиғи ҳукуматнинг тиббиёт олий ўқув юртларига қабул квотаси жорий 2,000 ўрнига 3,058 ўринга ошириш қарорига норозилик сифатида оммавий ишдан бўшатиш кўринишидаги иш ташлашга чиқди.

Йирик университет шифохоналарининг катта шифокорлари бўлган тиббиёт профессорлари ҳам шу ҳафта оммавий равишда истеъфога чиқишни бошладилар ва ҳозирча ишлашни давом эттиришга ваъда берди. 

Ҳукумат, айниқса, қишлоқ жойларда ва юқори хавфли жарроҳлик, педиатрия, акушерлик ва шошилинч тиббий ёрдам каби муҳим тиббиёт соҳаларида шифокорларнинг етишмаслиги туфайли тиббиёт талабалари сонини кўпайтиришга уриняпти. 

Бироқ, шифокорлар, бу тиббий таълим сифатига путур етказади ва беморлар учун тиббий харажатларнинг ошишига олиб келади ва ҳукумат шифокорларни нотўғри даъволардан ҳимоя қилишга ва кўпроқ шифокорларни машҳур бўлмаган жойларда амалиётга жалб қилиш учун иш ҳақини яхшилашга эътибор қаратиши керак, деб ҳисоблайди.