08:10, 26 Декабрь 2022 | GMT +5
Жанубий Африкада шифохона яқинида ёқилғи юк машинаси портлаб кетди
ASTANA. Kazinform – Жанубий Африкада 60 минг литр суюлтирилган углеводород газини олиб кетаётган юк машинаси портлаб кетди. Камида 15 киши ҳалок бўлди, ўнлаб кишилар жароҳатланди, дея хабар беради Kazinform Euronewsга таяниб.
Воқеа Йоханнесбургдан 20 километр узоқликдаги Боксбург турар-жой массивида юз берган. Юк машинаси паст кўприк остида қолиб кетган ва ёнғинга ишқаланиш сабаб бўлган. Ҳозирда тергов ҳаракатлари олиб борилмоқда.
Яқин атрофдаги темир йўл рельслари бутунлай вайрон бўлган, бинолар, жумладан, касалхона биноси шикастланган.
Беморларни эвакуация қилиш тўғри келди, ҳалок бўлганлар орасида ушбу тиббиёт муассасасининг бир нечта ходимлари бор. 24 нафар бемор ва 13 нафар тиббиёт ходими жиддий куйишган, касалхонага кираверишда ва автотураргоҳда бошқа одамлар тан жароҳати олган.
