Жанибек Алимханулининг навбатдаги жанги Қозоғистонда ташкил этилади

ASTANA. Kazinform – Қозоғистонлик боксчи Жанибек Алимханулининг навбатдаги жанги Қозоғистон ҳудудида ташкил этилиши мумкин. Бу ҳақда Қозоғистон Республикаси Туризм ва спорт вазири Ербол Мирзабосинов маълум қилди.

Бугун ҚР Парламенти Мажилисининг умумий йиғилишида депутат Ринат Зайитов қозоғистонлик жаҳонга машҳур спортчиларнинг мамлакат вилоятларида жангларини ташкил этиш масаласини кўтарди.

“Халқаро миқёсда мамлакатимиз эътиборини тортаётган иккита спортчимиз бор. Бири Шавкат Раҳмонов, иккинчиси Жанибек Алимханули. Бир пайтлар Қозоғистонда Геннадий Головкиннинг жангини кўришни орзу қилгандик. Туризмни ривожлантириш мақсадида мамлакатимиз вилоятларида Шавкат ва Жанибек каби спортчиларнинг жангларини ўтказиш мумкинми? Яъни, Астана ва Алматидан бошқа шаҳарларда”, – деб сўради депутат.

Ўз навбатида, Ербол Мирзабосинов Шавкат UFC 310 турнирида ўрта вазн тоифасида UFC чемпиони Белал Муҳаммадга қарши жанг ўтказиши керак бўлганини, аммо америкалик-фаластинлик жангчи спортчи соғлиғи туфайли мусобақада иштирок эта олмаганини эслатди.

“Шавкат Раҳмонов тегишли тайёргарликдан ўтган эди. Афсуски, рақибининг соғлиғи туфайли бу жанг бошқа муддатга қолдирилди. Жанибек Алимханулига келсак, келажакда давлат ва фуқаролар кўмагида спортчи учун мамлакатда жанг ташкил этишни ўйлаяпмиз”, – деди вазир.