Жанибек Алимханулининг навбатдаги жанги қачон ўтиши маълум бўлди

ASTANA. Kazinform – Қозоғистонлик боксчи, ўрта вазн тоифасида WBO/IBF йўналишлари бўйича жаҳон чемпиони Жанибек Алимханули (15-0, 10 КО) навбатдаги жангини мажбурий рақиби янги зеландиялик Андрей Михайлович (21-0, 13 КО) билан ўтказади, деб хабар беради Sports.kz портали.

Жанг учун аризада ғолиб чиққан No Limit Boxing промоутерлик компанияси жанг 4 октябрь куни Сиднейда (Австралия) бўлиб ўтишини маълум қилди. АҚШда шоу ESPN+ телеканалида намойиш этилади. Шу билан бирга, ҳар икки боксчи фақат IBF бўйича жаҳон чемпиони унвони учун жанг қилади.