Жанибек Алимханулининг навбатдаги рақиби аниқланди
АSTANА.Кazinform - Ўрта вазн тоифасида WBО ва IBF йўналишлари соҳиби, қозоғистонлик профессионал боксчи Жанибек Алимханулининг (15-0, 10 КО) навбатдаги рақиби аниқланди.

Қозоғистонлик боксчи 13 июль куни рингга қайтади ва IBF версияси бўйича мажбурий рақиб янги зеландиялик Андрей Михайловичга қарши жанг қилади.
- Расмий! Рақиб рекорди 21-0. IBF Андрейни мажбурий рақиб сифатида тасдиқлади. 13 июль куни Лас-Вегасда бутун дунё Qazaq styleни томоша қилади! Ёрқин ғалабадан сўнг унвонни бирлаштириш вазифасини бошлаймиз! Жангга тайёргарлик кўришимизни қўллаб-қувватлаётган биродаримиз Кенес Рақишев эканлигини барчангиз биласиз! – деб ёзди боксчи Instagramдаги саҳифасида.
Эслатиб ўтамиз, Жанибек Алимханулининг сўнгги жанги ўтган йилнинг октябрь ойида бўлиб ўтганди.
У германиялик боксчи Винченцо Гуальтиерини (22-1-1, 7 КО) муддатидан аввал мағлуб этди ва ундан IBF чемпионлигини тортиб олди.