Жанибек Алимханули жаҳон чемпионини нокаут билан мағлуб этгани учун қанча маблағ ишлаб топгани маълум бўлди

WBO ва IBF йўналишлари бўйича ўрта вазн тоифасида жаҳон чемпиони Жанибек Алимханулининг германиялик Винченцо Гуалтьери билан жангдан қанча пул ишлаб топгани малум бўлди. Бу ҳақда Kazinform агентлиги Sports.kzга таяниб хабар беради.

Хорижий ахборот манбаларига кўра, “Қозоқ услуби”нинг гонорари 400 минг долларни ташкил этади, агар пуллик кўрсатувлар савдоси кўрсаткичи 500 мингдан ошса, Жанибек 1,5 миллион доллар ишлаб олади.

Эслатиб ўтамиз, ҳозирча на жанг ташкилотчилари, на маҳаллий спорт комиссияси боксчиларнинг аниқ даромадларини расман эълон қилгани йўқ.

Аввалроқ таниқли журналист Дэн Рафаэль Гуалтьери Алимханули билан жангдан олган даромади 750 минг доллар эканлигини айтганди. Бошқа манбаларга кўра, унинг даромади бир миллион АҚШ долларига етиши мумкин.

Эслатиб ўтамиз, Жанибек Алимханули WBO ва IBF йўналишларида ўрта вазн тоифасида иккита камар учун германиялик боксчи Винченцо Гуальтьери (21-0-1, 7 КО) билан жанг ўтказиб, ғалаба қозонган эди.