Жанибек Алимханули "Канело" учун мураккаб рақиб - эксперт

Америкалик журналист Блейн Генри қозоғистонлик боксчи Жанибек Алимхонули (15-0, 10 КО) мексикалик Сауль “Канело” Альваресни (60-2-2, 39 КО) мураккаб вазиятга туширишига ишонмоқда, дея хабар беради Кazinform агентлиги Sports.kzга таяниб.

- Алимханулининг ҳозирги рақиблари Чарло ва Лара. У иккаласини ҳам мағлуб қилади. Жаҳоннинг мутлақ чемпионига айланганидан кейин у 168 фунтга кўтарилади ва чапақайлар билан курашишда қийналаётган “Канело” билан жанг қилишга уриниб кўради, - дейди эксперт.

Эслатиб ўтамиз, Сауль Альварес иккинчи ўрта вазн тоифасида мутлақ жаҳон чемпиони ҳисобланади.

Жанибек Алимханулига келсак, энди у ўрта вазн тоифасида WBО ва IBF чемпионлик камарларига эга.