Жанибек Алимханули иккита камар учун курашдан олдин “йил нокаути” бўлишини ваъда қилди

Жанибек Алимханули
Фото: Sports.kz

ASTANА. Кazinform - Қозоғистонлик боксчи, ўрта вазн тоифасида WBO/IBF йўналишлари бўйича жаҳон чемпиони Жанибек Алимханули янги зеландиялик Андрей Михайловичга қарши жанг олдидан баёнот берди. Бу ҳақда Sports.kz ёзган.

Жанибек Алимханули жаҳон чемпиони унвони учун жанг олдидан муҳим янгиликлари билан ўртоқлашди. Чарм қўлқоп усталарининг жанги 13 июль куни (Қозоғистонда 14 июль эрталаб) Лас-Вегасдаги Palms Casino Resort мажмуасида бўлиб ўтади.

“Мендан фақат чемпионлар қўрқишини истамайман. Биринчи ва иккинчи рақамдагилар ҳам мендан қўрқишларини хоҳлайман. Йил нокаутини 13 июль куни кўрсатаман”, - деб ёзди у машғулот вақтида.

Эслатиб ўтамиз, Жанибек Алимханули ўтган йилнинг октябрь ойидан бери илк бор Андрей Михайловичга қарши жанг ўтказмоқчи.

Сўнгги хабарлар