Жанибек Алимханули бугунги ғалаба ҳақида ўз фикрини билдирди

Профессионал боксдаги барча жангларида муваффақият қозонган қозоғистонлик Жанибек Алимханули (15-0, 10 КО) германиялик Винченцо Гуальтьерини (21-1-1, 7 КО) мағлубиятга учратганидан кейин интервью берди, деб хабар беради Kazinform.

У бугун АҚШнинг Техас штати, Розенберг шаҳрида бўлиб ўтган бокс мусобақасида Винченцо Гуальтьерини олтинчи раундда нокаутга учратди.

Қозоғистонлик чарм қўлқоп устаси профессионал боксдаги ўн бешинчи ғалабасини қўлга киритиб, WBO ва IBF камарларини соврин жамғармасига қўшиб олди.

“Бу - қозоқ услуби, биз уни тарихда қолдирмоқчимиз. Биз биринчи дақиқаларданоқ шу тактикани танладик. Рақибим дарҳол ҳужум қилмаслигини билардик. У менинг чарчашимни кутди. Ўша пайтда у ҳужум қилиш ниятини билдирди. Лекин мен жангга пухта тайёргарлик кўрдим. Ҳозир менда иккита чемпионлик унвони бор. Энди мен дивизиондаги тўртта камарни тўпламоқчиман. Агар уни Top Rank ташкил қилса, мен бунга тайёрман”, - деди Жанибек Алимханули жангдан кейин берган интервьюсида.

Жанибек Алимханули 1993 йил 1 апрелда Алмати вилоятида туғилган.

У 2013 йилда ҳаваскор бокс бўйича жаҳон чемпиони, 2013-2014 йилларда эса Осиё чемпиони бўлган.

Муаллиф: Адилжан Умбет