Жамила Бақбергенова жаҳон чемпионатининг уч карра кумуш медали соҳиби бўлди

ASTANA. Kazinform – Қозоғистонлик спортчи Жамила Бақбергенова Тиранда (Албания) олимпиядан ташқари вазнларда аёллар кураши бўйича ўтказилган жаҳон чемпионатида кумуш медални қўлга киритди.

Бунгача жаҳон чемпионатларида иккита кумуш ва битта бронза медалини қўлга киритган Жамила Бақбергенова 72 килограмм вазн тоифасидаги сўнгги беллашувда япониялик Ами Иши билан жанг ўтказди.

Япониялик курашчи нафақат Осиёда муваффақият қозонди, балки икки йил аввал жаҳон чемпионатида кумуш медални қўлга киритган эди.

Биринчи бўлимда Ами Иши 2:0 ҳисобида олдинда бораётганди. Иккинчи бўлимда Жамила 4:2 ҳисобида олдинга чиқиб олди, аммо устунликни сақлаб қола олмади. Якуний ҳисоб 6:8.

Шу тариқа, ушбу жаҳон чемпионатида уч нафар япониялик курашчи чемпион бўлди. Яна бир кумуш медаль Жамила Бақбергеновага насиб этди.