Жамбилда 70 та кўп қаватли уй қурилмоқда

ТARAZ. Кazinform – Жамбил вилоятида 70 та кўп қаватли уй қурилмоқда, деб хабар беради Кazinform мухбири.

2020 йилдан буён кўп болали ва кам таъминланган оилалар учун 338 та уй-жой қурилди. Жорий йилда 106 та эҳтиёжманд оилани уй-жой билан таъминлаш режалаштирилган.

Умуман олганда, ўтган йили 4 208 хонадонли 68 та кўп қаватли уй қурилиши бошланиб, 2 260 хонадонли 34 та уй фойдаланишга топширилди.

«Жорий йилда «Кучли ҳудудлар – мамлакат тараққиётининг драйвери» лойиҳаси доирасида вилоятда умумий қиймати 11,6 миллиард тенгелик 3689 хонадонли 70 та кўп қаватли уй-жой қурилмоқда. Йил охиригача 2564 хонадонли 45 та уйни фойдаланишга топшириш режалаштирилган. Бундан ташқари, хусусий сармоя ҳисобидан 435 хонадонли 10 та кўп қаватли уй-жой қурилиши бошланди. Бу борада нафақат кам таъминланган оилаларни уй-жой билан таъминлаш, балки уларнинг барқарор даромад олишига ҳам эътибор қаратишимиз керак»

, - деди Жамбил вилояти ҳокими Нуржан Нуржигитов.

Умуман олганда, жорий йилда вилоятда 71 та инфратузилма лойиҳасини амалга оширишга 8,4 миллиард тенге маблағ йўналтирилди. Лойиҳа амалга оширилгач, навбатда турган фуқаролар янги ҳудудлардан 869 та ер майдони олади.

Муаллиф: Эльвира Жарилқасинова