Жамбил вилоятида тўққизта янги мактаб қурилади

None
TARAZ. Kazinform - Жамбил вилоятида янги таълим объектлари пайдо бўлади – йил охиригача 9 та янги мактаб фойдаланишга топширилиши режалаштирилган, деб хабар беради Kazinform мухбири.

Вилоят таълим бошқармаси бошлиғи Мейрхан Умирбекнинг маълум қилишича, 25 та таълим объектини қуриш учун 23,1 миллиард тенге маблағ ажратилган.

«17 та мактаб, 8 та хўжалик биноси қурилиши давом этяпти. 2023 йил охиригача 9 та мактаб ва 5 та хўжалик биносини фойдаланишга топшириш, қолган объектларни 2024 йилгача фойдаланишга топшириш режалаштирилган. Бу вилоятдаги иккита уч сменали мактаб, иккита ўрин етишмайдиган мактаб ва олтита авария ҳолатидаги мактаблар муаммоларини ҳал қилиши керак», - деди спикер.

Шунингдек, 17 та таълим объектини капитал таъмирлашга 4,4 миллиард тенге, 47 та объектни жорий таъмирлашга 668,3 миллион тенге маблағ ажратилди.

«Жамбил вилояти ҳокими топшириғига кўра Қордай туманидаги 7-сонли Бетқайнар коллежи талабалар турар жойини жорий таъмирлаш учун 154,1 миллион тенге, Қордай қишлоқ хўжалиги коллежи ўқув биносининг иссиқлик таъминоти тизимини таъмирлаш учун 38 миллион тенге маблағ ажратилди.», - дейди Мейрхан Умирбек.

Вилоят таълим бошқармаси маълумотларига кўра, 2022 йилда вилоят таълим соҳасини ривожлантиришга 244,4 миллиард тенге маблағ йўналтирилган бўлиб, бу вилоят йиллик бюджетининг 50 фоизидан ошади. 2022 йилда 22 та таълим объекти қурилишига 7,6 миллиард тенге йўналтирилди.

«Қулай мактаб» миллий лойиҳаси доирасида Жамбил вилоятида яна 20 та таълим муассасаси қурилади.

Муаллиф: Галина Скрипник


Сўнгги хабарлар