Жамбил вилоятида 30 нафар хорижлик Қозоғистондан чиқариб юборилди
Ноқонуний миграциянинг олдини олиш бўйича Жамбил вилояти полиция департаменти ходимлари томонидан тизимли ишлар олиб борилмоқда, деб хабар беради Kazinform.
Жамбил вилояти полиция департаменти матбуот хизмати хабар беришича, Қозоғистон Республикаси Давлат чегарасини ноқонуний кесиб ўтганлик учун хорижий давлатлардан келган 30 нафар чет эл фуқароси жиноий жавобгарликка тортилиб ва Қозоғистон Республикаси ҳудудидан чиқариб юборилган.
“Қўлга олинган ва депортация қилинганлар орасида Афғонистоннинг 16 та, Непалнинг беш нафар, Покистоннинг тўрт нафар, Ҳиндистоннинг уч нафар ва Шри-Ланканинг икки нафар фуқароси бор”, - дейилади хабарда.
Бундан ташқари, полиция ходимлари томонидан ноқонуний меҳнат муҳожирларини аниқлаш бўйича тадбирлар ўтказилмоқда.
- Жамбил вилоятининг Байзақ туманида Қозоғистон ҳудудида ноқонуний меҳнат фаолиятини амалга оширган Ўзбекистон Республикасининг саккиз нафар фуқароси маъмурий жавобгарликка тортилди. Материал қарор қабул қилиш учун туман судига юборилди», - дея аниқлик киритди Жамбил вилояти полиция департаменти матбуот хизмати.
