Жаҳон жанг санъатлари ўйинлари бўйича Қозоғистон кучли учликка кирди

Спорт
Фото: Спортни ривожлантириш дирекцияси

Саудия Арабистони пойтахти Ар-Риёд шаҳрида якунига етган жанг санъатлари бўйича V Жаҳон ўйинларида Қозоғистон терма жамоаси кучли учликка кирди, деб хабар беради Kazinform.

Спортни ривожлантириш дирекцияси матбуот хизмати хабарига кўра, бу йилги ўйинлар Қозоғистон учун энг муваффақиятли бўлди.

Ўн бир кун давомида 16 спорт тури бўйича 1500 дан ортиқ спортчи 954 медаль учун кураш олиб борди. Улардан 259 таси олтин, 259 таси кумуш, қолган 436 таси бронзадир.

Қозоғистон делегацияси 12 та олтин, 13 та кумуш ва 23 та бронза медалини қўлга киритиб, умумжамоа ҳисобида 3-ўринни эгаллади.

Беллашувда 21 та олтин, 17 та кумуш, 15 та бронза билан Украина етакчилик қилмоқда, мусобақанинг сўнгги кунида иккинчи ўринни 12 та олтин, 20 та кумуш, 19 та бронза билан Саудия Арабистони  эгаллади.

Спорт
Фото: Kazinform

Жаҳон жанг санъатлари ўйинларига ўз спортчиларини юборган 120 давлатдан 87 таси совринли ўринларни қўлга киритди.

Қозоғистон делегацияси учун Ар-Риёддаги комплекс мусобақанинг ҳар бир куни тарихий натижа билан эсда қоларли бўлди. Масалан, ўйинлар дастурига илк бор киритилган қозоқ кураши ва армрестлинг терма жамоаси спортчилари муваффақиятли чиқиш қилиб, умумжамоа ҳисобида 1-ўринни эгаллади. Самбо ва грэпплинг World Combat Gamesнинг биринчи олтин медалини қўлга киритди, каратэчилар эса биринчи марта совриндорлар қаторидан жой олди.

Спорт
Фото: Kazinform

Мамлакат шарафини жами 10 та спорт тури бўйича 53 нафар спортчи ҳимоя қилди.

Ушбу кўрсаткич туфайли Қозоғистон яккакураш ўйинлари бўйича умумий рейтингда 37 мамлакат ичида кучли ўнталикка кирди. Бунгача Пекин ва Санкт-Петербургни ҳисобга олган ҳолда, мамлакат ҳисобида 1 та олтин, 3 та кумуш ва 5 та бронза медаллари киритилган эди. 

Спорт
Фото: Kazinform

Кейинги ўйинлар 2025 йилда бўлиб ўтади. Мезбон мамлакат келаси йилнинг бошида маълум бўлади.

Спорт
Фото: Kazinform

 

Сўнгги хабарлар
telegram