Жаҳон опера юлдузи Наврўз байрамида Павлодарда концерт берди
PAVLODAR. Кazinform — Павлодарда Италиянинг “Ла Скала” театри опера хонандаси, машҳур қозоғистонлик Мария Мудряк ва “Астана Балет” театри ҳамкорлигида Наврўз байрами муносабати билан концерт бўлиб ўтди.
Наврўз байрами арафасида вилоят аҳолиси Естай маданият саройида жаҳон операси юлдузи Мария Мудряк ва “Астана балет” театри симфоник оркестри концертини томоша қилди.
Дастурда итальян операси, австриялик оперетта романтикаси, испан сарсуела жанрларининг энг сара асарлари намойиш этилди.
— Ўзим туғилиб ўсган Павлодарда концерт бериш имконияти яратилганидан жуда хурсандман. Шунингдек, “Остона балет” театрига ўзларининг симфоник оркестри билан чиқиш қилишимга яна бир имконият бергани учун миннатдорчилик билдираман, — деди Мария Мудряк.
Замонамизнинг энг гўзал ва бетакрор овозларидан бирини тинглаш имконини берган ушбу концерт нафақат Павлодар вилояти, балки бутун мамлакат учун ёрқин маданий воқеа бўлди.
Мария Мудряк уч ёшида қўшиқ айтишни бошлаган. 5 ёшида Павлодар шаҳридаги 1-сон мусиқа мактабига ўқишга кирди. 13 ёшидан бошлаб у Жузеппе Верди номидаги Милан давлат консерваториясига ўқишга кирди ва «Ла Скала» театридаги спектаклларда қатнашди.
Эслатиб ўтамиз, ҚР Президентига Санъат университетининг реконструкция қилинган биноси кўрсатилди.
