Жаҳон кўчманчилар ўйинлари: спорт мусобақаларининг турлари расман тасдиқланди

ASTANA. Kazinform - 2024 йил 8-14 сентябрда Астана шаҳрида бўлиб ўтадиган V Бутунжаҳон кўчманчилар ўйинларининг спорт мусобақалари расман тасдиқланди, деб хабар беради Kazinform.

ҚР Туризм ва спорт вазирлигининг маълум қилишича, Жаҳон кўчманчилар ўйинларида энг кучли 20 та спорт тури аниқланади.

Хусусан, “асиқ ату”, “ордо”, арқон тортиш, “байге”, “Кўпкари”, “аудариспақ”, “тенге алу”, “курес” (қозоқ кураши), “алиш”, «ашыртмалы аба гюреши», «ссирым», «мас-рестлинг», «Powerful nomad» (кучлилар мусобақаси), “тўққизқумалақ”, “мангала”, “овари”, анъанавий камондан отиш, “жамби ату”, бургут билан ов.

Шунингдек, кўргазмали спорт турлари бўйича 10 та мусобақа ўтказиш режалаштирилган.

Кўчманчилар ўйинларининг тантанали очилиш маросими “Астана Арена” стадионида бўлиб ўтади.

Қайд этиш жоизки, Бутунжаҳон кўчманчилар ўйинлари этник, анъанавий спорт турлари бўйича халқаро мусобақадир.

2014, 2016 ва 2018 йилларда Чўлпон-Отада (Қирғизистон), 2022 йилда эса Изникда (Туркия) тўртинчи Жаҳон ўйинлари бўлиб ўтган.