Жаҳон аёллар саммитида Қозоғистондан ким иштирок этади
ASTANА. Кazinform — 9-11 май кунлари Испаниянинг Мадрид шаҳрида “Жаҳон аёллар саммити” форуми бўлиб ўтади. Унга Қозоғистон Республикаси Ташқи ишлар вазири ўринбосари Назира Нурбаева боради.
Жаҳон аёллар саммити ҳар йили Испания қироличаси Летиция ҳомийлигида ташкил этилади.
Бутун дунёнинг етакчи аёллари томонидан ишлаб чиқилган ечимлар ва стратегияларни алмашиш орқали аёлларнинг иқтисодий имкониятларини кенгайтириш масаласини муҳокама қилиш режалаштирилган.
“Ташриф доирасида Назира Нурбаева “Аёллар: келажак иқтисодиётини жонлантириш” мавзусидаги вазирлар даражасидаги давра суҳбатида иштирок этади ва Қозоғистоннинг гендер сиёсатидаги муҳим ютуқлари ва Қозоғистон Ҳукуматининг, БМТ-Аёллар ташкилоти ва нодавлат нотижорат ташкилотлари қозоғистонлик аёлларнинг иқтисодий ҳуқуқлари ва имкониятларини кенгайтириш бўйича биргаликдаги саъй-ҳаракатлари ҳақида маълумот берди”, — деди Қозоғистон Республикаси Ташқи ишлар вазирлиги расмий вакили Айбек Смадияров ҳафталик брифингда.
