Жаҳон иқтисодиётидаги вазият барқарорлашди - Миллий банк

ALMATY. Kazinform - Қозоғистон Миллий банки базавий ставкани +/–2 ф.п. фоиз даҳлизи билан йиллик 9,50% даражасида ушлаб туришга қарор қилди, деб хабар беради Kazinform мухбири.

Миллий банк маълумотларига кўра, жаҳон иқтисодиётидаги вазият барқарорлашди, баъзи бир товар ва молия бозорларида жонланиш кузатилмоқда. Нефть истеъмоли аста-секин Хитой иқтисодиётининг тикланиши, баъзи Европа давлатлари ва АҚШдаги карантин чоралари юмшатилганидан кейин тикланмоқда. ОПЕК+ давлатлари нефть қазиб олишни қисқартириш бўйича келишув шартларини узайтириш бўйича дастлабки келишувга эришдилар. Нефть қазиб олишни кунига 9,7 миллион баррельга камайтириш ҳақидаги келишув июль ойининг охиригача амал қилади.

Аммо COVID-19 пандемияси ва инфекциянинг тарқалишига қарши курашни чекловчи чора-тадбирлар глобал иқтисодиётга салбий таъсир кўрсатишда давом этмоқда. 2020 йил май ойида ишбилармонлик фаоллиги рекорд даражада паст даражада қолмоқда. Ушбу ҳолат Қозоғистондаги иқтисодий фаоллик ва инфляцион жараёнларга салбий таъсир кўрсатмоқда.

Базавий ставка бўйича кейинги қарор 2020 йил 20 июль куни эълон қилинади.