Жаҳон чемпионатида иштирок этувчи жамоаларнинг қайси саватчада экани маълум бўлди

NUR-SULTAN. Кazinform – 2022 йилги футбол бўйича жаҳон чемпионати финал турнирининг қуръа саватчаси эълон қилинди, деб хабар беради Kazinform мухбири.

У FIFA томонидан 31 март куни эълон қилинган рейтинг натижалари асосида тузилган.

Турнирда иштирок этаётган жамоалар тўрт саватчага бўлинган. Ҳозирча 29 та иштирокчи жамоа маълум.

Қолганлари эса июн ойида аниқланади.

Жамоаларнинг саватчадаги жойлашуви қуйидагича:

Биринчи саватча: Қатар (турнир мезбони), Бразилия, Бельгия, Франция, Аргентина, Англия, Испания ва Португалия.

Иккинчи саватча: Мексика, Нидерландия, Дания, Германия, Уругвай, Швейцария, АҚШ ва Хорватия.

Учинчи саватча: Сенегал, Эрон, Япония, Марокаш, Сербия, Польша, Жанубий Корея ва Тунис.

Тўртинчи саватча: Камерун, Канада, Эквадор, Саудия Арабистони, Гана, шунингдек, қитъалараро саралаш мусобақаси (Коста-Рика ва Янги Зеландия, Перу ва Австралия / БАА) ва Европа саралаш босқичининг саралаш босқичи ғолиби (Уэльс ва Шотландия / Украина).

1 апрел куни Қатар пойтахти Доха шаҳрида жаҳон чемпионати финал босқичига қуръа ташлаш маросими бўлиб ўтади. Нур-Султан вақти билан соат 22.00да Qazsport телеканалида жонли эфирда намойиш этилади.

Турнир жорий йилнинг 21 ноябридан 8 декабрига қадар Қатарда бўлиб ўтади.

Муаллиф: Адилжан Умбет