Жаҳон чемпионати: Ризабек Айтмухан эркин кураш бўйича кумуш медални қўлга киритди

ASTANA. Kazinform – Қозоғистонлик спортчи Ризабек Айтмухан Иордания пойтахти Амман шаҳрида кураш бўйича 20 ёшгача бўлган ўсмирлар ўртасида ўтказилаётган жаҳон чемпионатида кумуш медаль совриндори бўлди, деб хабар беради Kazinform мухбири.

16 августда эркин кураш бўйича Қозоғистон терма жамоаси аъзоларидан Ризабек Айтмухан (92 кг) қирғизистонлик Нурболат Адилуулуни, кейин канадалик Самуэль Перейрани мағлуб этди. Ярим финалда грузиялик Георгий Ромелашвилини мағлуб этган бўлса, финалда эронлик Мохаммадмобин Голомалимига имкониятни бой берди.

Эслатиб ўтамиз, Ризабек жорий йилда Алмати шаҳрида эркин кураш бўйича Қозоғистон Республикасининг VI ёзги Спартакиадасида ғолибликни қўлга киритган эди. Шундан сўнг Астана шаҳрида катталар ўртасидаги Осиё чемпионатида кумуш медални қўлга киритди.

Муаллиф: Адилжан Умбет