Жаҳон чемпионати: Бугун эркин кураш усталари баҳс олиб боради

NUR-SULTAN. Kazinform – Бугун, 15 сентябр куни Сербия пойтахти Белград шаҳрида ўтказилаётган кураш бўйича жаҳон чемпионатида эркин курашчилар гиламга чиқади, деб хабар беради Kazinform мухбири.

Бугун Қозоғистон миллий терма жамоасидан тўрт нафар полвон эркин кураш бўйича баҳсларга киришади. Улар орасида Сирбаз Талғат (70 кг), Болат Сақаев (79 кг), Азамат Даулетбеков (86 кг) ва Олег Болтин (125 кг).

Шунингдек, қозоғистонлик Жамила Бақбергенова чемпионлик учун кураш олиб боради. Унинг рақиби америкалик спортчи Амит Элор.

Бунгача Жамила ўзбекистонлик Светлана Окназаровани яққол устунлик билан мағлуб этган бўлса, кейинроқ руминиялик Александра Ангелдан заиф нуқтани топди.

Эмма Тисина (57 кг) эса польшалик Анжелина Лисак билан учрашади. Агар у мусобақанинг ушбу босқичида ғалаба қозонса, мўғулистонлик Даваахимег Эркхембаяр билан бронза медали учун кураш олиб боради.

Эслатиб ўтамиз, бунгача қозоғистонлик Айдос Султанғали юнон-рум курашида иккинчи бор бронза медалини қўлга киритгани ҳақда хабар берган эдик.

Муаллиф: Адилжан Умбет

Фото: Getty Images