Жаҳон божхона ташкилоти Қозоғистоннинг халқаро юк ташиш тизимидаги ҳиссасини юқори баҳолайди

ASTANА. Каzinform – Жаҳон божхона ташкилоти раиси Қозоғистоннинг халқаро товарлар етказиб бериш тизимидаги улушини юқори баҳолади, дея хабар беради Кazinform Давлат даромадлари қўмитаси матбуот хизматига таяниб.

Давлат даромадлари қўмитаси раиси ўринбосари Бақитжан Слямов Қозоғистоннинг Бельгия Қироллигидаги Элчихонаси кўмагида Жаҳон божхона ташкилоти раиси Кунио Микурио билан учрашув ўтказди.

Учрашувда божхона бошқарувининг илғор тажрибаси, шунингдек, Қозоғистоннинг божхона соҳасидаги ютуқлари муҳокама қилинди.

Бундан ташқари, Бельгия Қироллиги божхона бошқармаси тажрибаси ўрганилиб, денгиз портларини бошқариш бўйича тажриба алмашиш имконияти яратилди.

Кунио Микурио Қозоғистоннинг халқаро товарларни етказиб бериш тизимига қўшган ҳиссасини, шунингдек, Қозоғистон томонидан амалга оширилаётган божхона постлари ва божхона маъмуриятини модернизация қилишда қўшган ҳиссасини юқори баҳолади.

Фото: Давлат даромадлари қўмитаси