Зеленский Трампга йўллаган мактубида узр сўради

ASTANA. Kazinform – АҚШ президентининг махсус вакили Стив Уиткофф Украина президенти Владимир Зеленский Овал кабинетдаги можародан сўнг Дональд Трампдан кечирим сўраганини маълум қилди, деб хабар берди The Hill.

“Зеленский президентга мактуб йўллади. У Овал кабинетда содир бўлган воқеа учун узр сўради. Менимча, бу муҳим қадам”, – деди Стив Уиткофф.

Эслатиб ўтамиз, 11 март куни АҚШ ва Украина делегацияси Саудия Арабистонида музокаралар ўтказади.

Трамп Конгрессга қўшма мурожаатида мамлакатлар ўртасидаги муносабатларни нормаллаштиришга ҳаракат қилган Зеленскийдан хат олганини маълум қилди. Трамп АҚШ Украинага ҳарбий ёрдамни тўхтатганидан бир неча кун ўтиб келган мактубни қадрлашини айтди.