Ўзбекистонда Президент сайлови олдидан «сукут куни» эълон қилинди

ТASHKENT. Кazinform - Бугун Ўзбекистонда навбатдан ташқари президентлик сайлови бўйича овоз беришдан олдин «сукут куни» бошланди, деб хабар беради Kazinform мухбири.

Ўзбекистон Республикаси Сайлов кодексининг 103-моддасига мувофиқ, шу пайтдан бошлаб овоз бериш тугагунга қадар оммавий ахборот воситалари, телевидение ва радиоэшиттириш каналларида сайловолди ташвиқотини, сайловолди ташвиқотининг бошқа турларини амалга оширишга йўл қўйилмайди. Президентликка номзодларнинг сайловолди дастурлари акс эттирилган реклама ва ташвиқот баннерлари, плакатлар ва билбордлар бир кун олдин кечқурун олиб ташланди.

«Сукут куни»да, шунингдек овоз бериш кунида жамоатчилик фикрини ўрганиш натижаларини, сайлов натижалари прогнозларини ва ўтказилаётган сайловга оид бошқа тадқиқотларни эълон қилиш тақиқланади.

Аввалроқ Ўзбекистон Президенти Шавкат Мирзиёев 2023 йил 9 июлга белгиланган муддатдан аввал Давлат раҳбари сайлови ўтказилишини эълон қилгани ҳақида хабар берилганди. Президентлик сайлови кампанияси бошлангани, шунингдек, Ўзбекистон раҳбари бўлишга кимлар даъво қилаётгани ҳақида Kazinform материалида ўқиш мумкин.

Муаллиф: Мадибек Жанибеков