Ўзбекистонда энди юридик шахслар ҳам автомобилларни қисқа муддатга ижарага олиши мумкин

TASHKENT. Kazinform - Ҳукумат қарори билан Енгил автомобиллар ва мототранспорт воситаларини қисқа муддатли ижарага бериш тартиби тўғрисидаги низомга ўзгартириш ва қўшимчалар киритилди. Бу ҳақда Kazinform Ўзбекистон Адлия вазирлигининг huquqiyaxborot Telegram-каналига таяниб хабар беради.

Киритилган қўшимчаларга кўра, эндиликда юридик шахслар ҳам автомобилларни қисқа муддатга ижарага олиши мумкин(илгари фақат жисмоний шахслар назарда тутилган).

Ижарага олувчида алкололли ичимлик, гиёҳвандлик моддаси ёки ўзгача мастлик аниқ кўриниб турганда ижарага берувчи унга транспортни ижарага беришни рад этиши мумкинлиги белгиланди.

Шунингдек, ижарага берувчи ижарага берилган транспорт томонидан йўл ҳаракати қоидалари бузилганлигини «Маъмурий амалиёт» тизими орқали электрон текшириши мумкин.