Ўзбекистонда биринчи экошаҳар қурилиши бошланди

TASHKENT. Kazinform – Фарғонада «Янги Ўзбекистон» массивига қарашли Ўзбекистондаги илк экошаҳарнинг тамал тоши қўйилди, деб хабар беради Kazinform ЎзАга таяниб.

Вилоят ҳокимлиги матбуот хизмати хабарига кўра, экошаҳар Фарғона шаҳри, Фарғона ва Ёзёвон туманларида барпо этилиши режалаштирилган. Айни пайтда вилоят марказида 300 гектар майдонда 300 минг аҳолига мўлжалланган ҳамкор шаҳар қурилиши бошланди.

Айни пайтда экошаҳардаги «Янги Ўзбекистон» истироҳат боғининг 40 гектарга яқин майдонига манзарали дарахт кўчатлари экилган.