Ўзбекистон Қозоғистонга 6,9 минг тонна анжир экспорт қилган
TASHKENT. Kazinform - Давлат статистика қўмитаси маълумотларига кўра, 2022 йилнинг январ-октябр ойларида Ўзбекистон 9 та давлатга қиймати 2 млн AҚШ долларига тенг бўлган 7,2 минг тонна анжир экспорт қилган. Бу ҳақда Kazinform қўмитанинг расмий Telegram-каналига таяниб хабар беради.
Маълум қилинишича, анжир экспорти 2021 йилнинг мос даври билан солиштирилганда 6,7 минг тоннага ошган.
«2022 йилнинг 10 ойида Ўзбекистон энг кўп анжир экспорт қилган давлатлар:
Қозоғистон – 6,9 минг тонна; Россия – 186 тонна; Қирғиз Р. – 84 тонна; Баларусь Р. – 4,1 тонна», - дейилади қўмита хабарида.
Шунингдек, Ўзбекистон Давлат қўмитаси маълумотига кўра, 2022 йилнинг 10 ойида хорижга энг кўп анжир экспорт қилган ҳудудлар:
— Хоразм вилояти – 2,7 минг тонна;
— Сурхондарё вилояти – 2,6 минг тонна;
— Наманган вилояти – 1,1 минг тонна.
Фото: https://t.me/statistika_rasmiy/2995
