Ўзбекистон икки ойида Қозоғистонга 325 тонна лимон экспорт қилган

ALMATY. Kazinform – ЎР Давлат статистика қўмитаси маълумотларига кўра, Ўзбекистон 2022 йилнинг дастлабки икки ойида 6 та хорижий давлатларга қиймати 1,3 млн. AҚШ долларига тенг бўлган 1,2 минг тонна лимон экспорт қилган, деб хабар беради Kazinform ЎР Давлат статистика қўмитаси Telegram-каналига таяниб.

Лимон экспорти ўтган йилнинг мос даври билан солиштирилганда 309 тоннага ошган.

2022 йилнинг январь-февраль ойларида Ўзбекистон энг кўп лимон экспорт қилган давлатлар:

Россия – 715 тонна;

Қозоғистон – 325 тонна;

Қирғиз Р. – 194 тонна.

Хорижга энг кўп лимон экспорт қилган ҳудудлар:

Фарғона вилояти – 521 тонна;

Тошкент вилояти – 219 тонна;

Хоразм вилояти – 159 тонна.