Ўзбекистон халқи мамлакат Конституциясини ўрганиш учун миллий имтиҳон топширади

TASHKENT. Kazinform – 2021 йил декабр ойида Ўзбекистонда миллий Конституциявий имтиҳон ўтказилади, деб хабар беради Kazinform UzAга таяниб.

Адлия вазирлигининг хабар беришича, вазирлик Конституциявий суд билан биргаликда Конституцияни билиш даражасини текшириш мақсадида умумдавлат конституциявий имтиҳонни ўтказади.

Имтиҳонда 15 ёшдан ошган барча фуқаролар қатнашиши мумкин ва бу ихтиёрий, бепул ва ҳамма учун очиқ бўлади.

Режага кўра, имтиҳон икки босқичда ташкил этилади. Биринчи босқич 1 декабр куни Тошкент вақти билан соат 9:00 дан 13:00 гача онлайн тарзда ўтказилади. Бу даврда иштирокчиларга 20 та тест саволи ва 1 та ижодий савол берилади.

Иккинчи босқич Конституция куни арафасида бўлиб ўтади ва онлайн трансляция қилинади. Ҳар бир иштирокчига 10 та савол берилади.

Якунда энг юқори натижага эришган 3 нафар иштирокчи ғолиб деб топилади.

Ғолиблар пул мукофотлари билан тақдирланадилар:

I ўрин – 15 млн сўм (602 409 тенге);

II ўрин – 10 млн сўм (401 606 тенге);

III ўрин – 5 млн сўм (200 803 тенге).