Ўзбекистон 9 ойда Қозоғистондан 964 минг тонна цемент импорт қилган

TASHKENT. Kazinform –Ўзбекистон Давлат статистика қўмитаси маълумотларига кўра, 2021 йилнинг январь-сентябрь ойларида хориждан Ўзбекистонга қиймати 105,2 млн АҚШ долларига тенг бўлган 2,2 млн тонна цемент импорт қилинган, деб хабар беради Kazinform қўмитанинг Telegram-каналига таяниб.

Таъкидланишича, бу кўрсаткич ўтган йилнинг мос даври билан солиштирилганда 448,8 минг тоннага кўп.

2021 йилнинг 9 ойида Ўзбекистон цемент импорт қилган асосий давлатлар:

Қозоғистон – 964 минг тонна;

Тожикистон – 560 минг тонна;

Қирғиз Р. – 547 минг тонна;

Эрон – 49 минг тонна;

Туркманистон – 33 минг тонна.